سلااااام عليكم يا بنوتات
اها دا برندتنا الحلوه انا رشيت ليكم الحوش والبخور مولع والعصير جاااااااهز والجبنه بعدين..
يلا نبدأ الونسه طبعا لا يخلو اي مجلس او قعده بناتيه من الكلام في احدث الموديلات والطرح والخلطات والكريمات ...ودا الحنتكلم عنه الليله..
اخلطات البشره وياريت اي بنوته عندها اضافه تورينا ليها عشان نفيد ونستفيد
خلطه حليب النيدو ومويه الورد
ملعقتين مويه ورد وملعقتين حليب نيدو بودره تنحط ع الوجه 20 دقيقه
تبيض البشره وتصفيها
النشا ومويه الورد
خلطه معروفه جدااا لتصفيه وتنقيه الوجه
خلطه كلمه رووعه قليله عليها جربتها تبيض فعلا من ثاني مره تحسي وجهك خيال وابيض
وهي حبه بطاطس مسلوقه وكوب حليب او لبن انا استخدم حليب نيدو بودره اذوبه بكاس مويه
تضرب بالخلاط وتنحط ع الوجه لمدة 20 دقيقه
خلطه لتضيق المسام في الوجه للبشره الدهنيه
اختي بشرتها دهنيه جربت طماطه مع عصير نص ليمونه مع قشر ليمون تضرب بخلاط
وتنحط ع الوجه تنظف الوجه بشكل فضيع وتصفيه وتضيق المسام
ملاحظه: كل الخلطات تغسل ببدايه بماء دافي وبعدها ماء بارد وتمرر قطعه ثلج ع الوجه لقفل المسام
ويفضل عمل سنفره للوجه قبل قناع التبيض او تصفيه حتى نستفيد من الاقنعه
حجيكم بعدين بافضل خلطات السنفره للوجه والجسم وكلو عن تجارب
موضوع: برندة البنات ...اتفضلو (خاص بالبشره) 
الثلاثاء ديسمبر 23, 2008 11:47 pm
