منتدا الابداع في كل النواحي
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 كان نفسي اقول لك في اتساع

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
raadia
Admin
avatar

عدد الرسائل : 26
نقاط : 10
تاريخ التسجيل : 23/12/2008

مُساهمةموضوع: كان نفسي اقول لك في اتساع   الثلاثاء ديسمبر 23, 2008 11:58 pm

كان نفسى اقولك بى تأنّى وفى اتساع

لا هدا حيل شوقى السفر لا لامس احساسى الضياع

انا يانى انا

زولا موسر بالحنين مشحون هواك حتى النخاع

كان نفسى اجيك

اقعد قبالتك واحكى ليك فى الغربة ايه معنى إلتياع

وكيف الحنين وكتين يفيض تمسكنى رعشات إرتياع

تخنق فؤادى الزكريات وعيونى تزرف بى اندفاع

كان نفسى اقولك فى إتساع


داير احكى ليك عن السنين

بلاهى كيف إداخلن وإتمارقن مرن سراع

وانا يانى انا فى كل عام وكل سنة

فى نفسى يتنوسر جرح مولود هو كان يوم الوداع

ومن يومى داك شايل حنينى وشوقى ليك

حايمبو فى كل البقاع

وفى نفسى عازم انتى لى بى كل إيمان واقتناع

ما بكره يتلم شملنا والفرحة تتناثر شعاع

تبحر سفينة حبنا نفرد وشاح الريد شراع

نتساقى كاسات الحنان اشواقنا تهجد فى انصياع

نتناجى نتهادى الأمان فى مرسى ينضح إلتماع

منضود عيونك و بسمتك مالياهو بى رغم الوساع

كان نفسى اقولك بى تأنّى وفى اتساع


كان نفسى اسع احكى ليك

لو زكرى مرة فى خواطرك وبين عينيك

لحظة مشاهدة بالكلام بى كل إلفة واحترام

ممزوجة بى صرة وشى ونظرات رقيقة واحتدام

وفى لحظة انقطع الكلام

ويا دوب قعد نصحى ونفيق

داير امور داير أثور ....تتزكرى ...وبعد الكلام عاد الكلام

وضحكنا بى طيبة وصفاء ...


داير احى ليك عن حالتى غيرك ظلمة كيف

كل العلاقات مغرضة الصدق حلا مكانو زيف

حتى المشاعر عارضة مرات تجى ومرات تقيف

بلاهى شوفى حياتى كيف ..

وحدة وسهاد ..أشواق وامانى واجتهاد

وأجيج احاسيس مستعر...

وانا يانى انا

لسه شايلك فى المحاجر والرؤى

بكره وزمان احلام وطيف ...

كان نفسى اقولك فى اتساع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Arbab
king


عدد الرسائل : 28
نقاط : 10
تاريخ التسجيل : 22/12/2008

مُساهمةموضوع: رد: كان نفسي اقول لك في اتساع   الأربعاء ديسمبر 24, 2008 12:09 am

الأخت الراقية ريم يسلم زوقك وإختيارك للكلمة والحرف .. وديما يا الله ما تحرمينا من مشاركتك
أرباب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كان نفسي اقول لك في اتساع
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
abde3 :: الشعر و كلمات الاغاني السودانية-
انتقل الى: