منتدا الابداع في كل النواحي
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 قصتي التي لم تبدأ بعد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
raadia
Admin
avatar

عدد الرسائل : 26
نقاط : 10
تاريخ التسجيل : 23/12/2008

مُساهمةموضوع: قصتي التي لم تبدأ بعد   الخميس ديسمبر 25, 2008 9:46 pm

ياخوانا والله مالقيت مكان مناسب عشان اكتب فيهو فياريت الاداره تسوي لينا باب للمناقشه العامه
خلاصة كلامي :
كان نفسي بالجد أوفر عليكم جرعة ( الإحباط ) التي سأسكبها في هذا البوست
أما وقد وقع الفاس في الراس ..... فما عندكم طريقة غير تقعدوا وتسمعوني

أريد ُ أن أحكي لكم عن قصتي التي لم تبدأ بعد :
محبطة من الزواج ..... لاحظوا إنو أنا لسه ما إتزوجت !!!!
طيب ... كيف وصلت ُ لمرحلة الإحباط دي قبل ما أخش المعمعة زاتو ؟؟؟

الحاصل إنو أساسا ً من يوم جيت الدنيا دي والله أعلم ربنا أداني حاجة ربانية كده في وشي ... حاجة بتريح الناس وبتخليهم يطلعوا همومهم ليا ..... قلت يا بت .. نعمة وجاتك من ربنا ... حتخشي الجنة بإذن الله من باب ( من فرج عن مؤمن كربة ) .... وهكذا إمتلأت حد التخمة من قصص لا تنتهي ... يمكنني أن أكتب آلاف الصفحات لكثرة القصص التي سمعتها .... لحدي هنا كويسين .... المشكلة بعد شوية .... بقت القصص محبطة ... قلنا معليش ... بعد شوية بقت ( خمسين في المية من القصص محبطة ) ... قلت بنات حظهم أسود .... أخيرا ً بقت ( تسعين في المية قصص محبطة ) !!!!

نقطة نظام ؟؟؟؟ الحاصل شنو ؟؟؟
وهنا بدأت عملية إحصائية لما حولي وخرجت بنتيجة .. هي السبب الرئيسي في إحباطي .... يمكنني أن أعدد لكم الآن خمسين إسم من أسماء بنات أعرفهن جميعهن..... تعيسات .. مقابل بنت واحدة بالضبط سعيدة !!!!!!!

نسبة مخيفة صاح ؟؟؟ والأكثر رعبا ً فيها .. إنها حقيقة !!!!!

بتذكر زمان لما كنت بحضر حفلات الزواج ... كنت بعاين للعروسة دي على أنها أميرة .... على أنها داخلة السعادة يادوب .... على إنو الزواج ده هو القفص الذهبي على قولتهم ..... لأ واللذيذة قصص المكتبة الخضراء ( أصلو مافي حاجة ضيعتنا غير قصص المكتبة الخضراء ) التي كانت تنتهي دائما ً بالعبارة المعهودة ( وعاشوا في تبات ونبات وخلفوا صبيان وبنات ) ......

كضب .. كضب ... كضب .....
لا في تبات ولافي نبات .... هناك شقاء إلا من رحم ربي !!!!!!
وختوا عشرة خطوط على ( إلا من رحم ربي ) ....

وبعد أن كنت أنظر للعروسة بغبطة وحسادة ..... أصبحت ُ أحضر حفلات الزواج وأنا لا يتوقف فمي عن الدعاء لها !!!! يا ربي تهنيها ... يا ربي تسعدها ... يا ربي توفقها !!!! طبعا ً دي ما حاجة كويسة بالمناسبة ... لإنو دي ببساطة تعبر عن شعوري الداخلي إنها مقبلة على كارثة !!!!!

بدأت ُ المرحلة الثانية من رحلة بحثي عن حقيقة السعادة في الزواج :
أساسا ً ليه الناس بتتزوج ؟؟؟؟

وإكتشفت الإحباط رقم إتنين .... إكتشفت إنو نسبة كبيرة من البنات بيتزوجوا هربا ً من وضع معين !!
سواء هربا ً من العنوسة .. هربا ً من جحيم منزلهم .. هربا ً من قصة حب فاشلة !!!!!
وجميع الهاربات ديل إنتهوا بزواجات تعيسة !! لإنو أساسا من البداية دخلوا الحياة الزوجية بمنطق الهرب .. زي ما بيقولوا مصيبة أهون من مصيبة .... يعني دخلوا الحياة الزوجية وهم مقتنعين إنها كارثة لكن بس أهون من وضعهم الحالي !!!!!
أما النسبة السعيدة من البنات فديل دخلوا الحياة الزوجية وهم عارفين هم دايرين شنو .......


نجي للمرحلة الثالثة ودي المهمة :
أها يا بت يا رضويه..... إنتي ياتو واحدة في البنات ديل ؟؟؟؟؟؟؟؟
زمان كنت من المشجعين لعبارة ( من أجل أبنائي ) ... بالمناسبة دي عبارة مشهورة جدا ً في وسط البنات وهي أساسا ً مقتبسة من فيلم هندي مشهور جدا ً زمان .... قالوا كان عامل ضجة ... أنا ما حضرتوا لإنو تقريبا ً ما كنت إتولدت الوقت داك ....
العبارة وسط البنات معناها إنو الواحدة تتزوج عشان تطلع من الدنيا بعيل عيلين يسندوها في آخر عمرها .... وكنت بالجد مؤمنة جدا ً بالمسألة دي ... لحدي ما أحبطوني حتى في دي !!! أعجبكم طبعا ً أنا في قصص الإحباط .... ولقيت إنو الأبناء ديل ممكن يكونوا كارثة حقيقية بالمناسبة .. يعني تبقي تعيسة وكمان ما عارفة تخلصي من تعاستك دي لسبب بسيط جدا ً ... العيال ديل توديهم وين ؟؟ وإحتمال لو إتطلقتي الراجل يشيل منك عيالك !!!! يبقى من أجل أبنائي عبارة غير مجدية !!!!!

قلت يا بت : تتزوجي عشان تلقي زول يقيف معاك في العمر الجاي ده .. لإنو يعني حتكون حياتك فاضية من غير زول فيها ..... ما تفرحوا شديد ... جاياااااااكم في الإحباط !!!!!
لقيت ليك النسوان المتزوجات ديل وحيدات بشكل عجيب !!!! وحدة قاتلة !!!
لما أقول للواحدة فيهم ... أمشي لراجلك .. أمشي إتونسي معاهو ... تقول لي راجلي منو ؟؟؟ راجلي بيخش يتغدى .. ينوم .. يصحى .. يمشي الشغل .. يرجع تعبان داير ينوم .... يصحى .. يمشي الشغل .. يرجع تعبان ... إلخ إلخ إلخ إلخ
والله الراجل ليهو حق !!!
يعني يقعد يطبطب عليها اليوم كلو !!
هو متزوج ليهو مرا والا شغال مشرف إجتماعي !!!!

وبقي السؤال تائها ً في رأسي ؟؟؟
لماذا نتزوج ؟؟؟
طبعا ً جزء منكم حيفتكر إنو أنا مكبرة الموضوع ... أنا برضو كنت بقول دي أفكار شيطانية حايمة في راسي وما أشتغل بيها .....
لحدي ما فوجئت ليك بنفسي بطرح السؤال بالضبط كده وبالفم المليان على الخطيب اللي ربنا بيحبه وعشان كده أنقذه من الإرتباط بي !!!!!!
إتخيلوا ... صباح اليوم التاني بالضبط من موافقتي .... فتحت عيني الصباح .... المفترض يعني إني أكون سعيدة إني حأتزوج ... بقيت بسأل في نفسي ... إحنا ليه بنتزوج ؟؟؟؟؟
طق .... مسكت التلفون ... ضربت لود الناس .... وأنا تقريبا ً متأكدة يعني إنو ود الناس بعد يسمع السؤال حيقوم يكتشف الخطأ الفادح بإرتباطه بالبت دي ( اللي هي أنا ) .... وقلت في أحسن الأحوال حيسمعني محاضرة في الأخلاق أو محاضرة دينية من النوع التقيل داك ( خاصة يعني إنو زول حافظ قرآن وإمام مسجد )
لكن إذا أنا ما عارفة أتزوج ليه ... ولقيته هو زاتو ما عارف هو داير يتزوج ليه ؟؟ .. يبقى نفضها سيرة ... وناخدها من قاصرها !!!!!

بالمناسبة يا جماعة ... بشكل عام .... حقيقة يعني .. الرجال كويسين في الحتة دي ... يعني الراجل في الغالب بيخش مؤسسة الزواج دي لإنو بالجد داير يكون أسرة وداير يستقر ... أما النسبة البسيطة منهم التي تتزوج هربا ً من شاكوش مثلا ً ... فديل طبعا ً من غير كلام بيكونوا تعيسين لإنهم أساسا ً خشوا المعمعة غلط .....

عكس النساء تماما ً !!!!!

نرجع لود الناس .... اللي والله ما قصر .. وإستحمل سؤالي السغيل و ( الثقيل ) ده .... وتقبله بصدر رحب .. ووعدني بجلسة مخصوص نتباحث فيها في المسألة دي ...... ثم أحاطت به العناية الإلهية وأنقذته من الزواج بي ومن الإجابة على السؤال ..........

أما أنا فكما ترون .... ها أنا ذي أحكي لكم

قصتي التي لم تبدأ بعد ...
فأنا أقاصيص مشروخة لنساء حزينات ... صامتات في الغالب لكن وجوههن تحكي أكثر مما تفصح ألسنهن ....
أتساءل بيني وبين نفسي .... إذا كنت أعرف النهاية ... لماذا أبتدأ الحكاية ؟؟؟؟

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Arbab
king


عدد الرسائل : 28
نقاط : 10
تاريخ التسجيل : 22/12/2008

مُساهمةموضوع: رد: قصتي التي لم تبدأ بعد   الخميس ديسمبر 25, 2008 11:00 pm

الأخت الفاضلة راضية .. تحية من الله مباركة طيبة تحمل فى طياتها قول .. السلام عليكم ورحمة الله وبركاتة
قرأت تلك السطور وتوقفت عندها مرات عده .. تارة أتوقف عن القراءة برهة من الزمن وتارة أخرى أتوقف وكأن التوقف كان دهر أو أكثر .. وسوف أقوم بأعلان أسباب التوقف لكى لاحقا ولكن فى الوقت الرااهن أسمحى لى التعليق بالقول أن أختيارك للفظ وللكلمة وللمعنى أكثر من رائع .. وبأنك هزمتى الحروف والكلمات .. وحتى لا أزيد لأنى أعلم أنه مهما سطرتا لكى لا يكفى التعبير حتى لو قولتا المزيد ... ولى المزيد من التعليق سوف أسرده لكى فيما بعد ,, ويبقى للحديث بقية مدام فى العمر بقية .. فى أمان الله
أرباب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alzafer
Admin
avatar

عدد الرسائل : 57
العمر : 26
نقاط : 29
تاريخ التسجيل : 24/08/2008

مُساهمةموضوع: رد: قصتي التي لم تبدأ بعد   الخميس ديسمبر 25, 2008 11:37 pm

بسم الله الرحمن الرحيم
ما عارف ابداء من وين واقول شنو بس والله يا ريم قرائة قصتكي اكثر من مرة لاني كنت اعرف ان هنالك بعض الاشياء وبعض المعاني المبهما والمخفية والبعيدة لن ادركها من اول وهلا بس حسب فهمي وتحليلي
فهمتا انو انتي عيشة في وحدة عجيبة وانا عارف حلل واحد لي مشكلتك دي لازم تعيشي قصة حب حت ولو كنتي عارفة النهاية امكن تلقي اجوبة لكثير من الاسئلة البتدور في راسك بس علي العموم كنت بقرا في السطور سطر سطر وبفكر شنو البخليك تفكري كدا
................ .
بس الوحدا يا بنت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://abde3.alafdal.net
AROON_UP
king
avatar

عدد الرسائل : 11
نقاط : 0
تاريخ التسجيل : 16/09/2008

مُساهمةموضوع: رد: قصتي التي لم تبدأ بعد   الجمعة ديسمبر 26, 2008 11:33 am

السلام علييكم جميعا00000000

كلام واضح مافيه شك00وظنووون وشكووك اوضح في نفس الكاتبة رغم اختلافي في معااااك في كثير من النقاط ولكن000

واعتقادي الشخصي(والكاتبة ليست مقصوده بهذا الراي شخصيا)00طالما ان الفتاه بتنظر لنفسها وكانها ورده تنتظر قاطفها ستظل هذه الهواجس تراود الكثيرات

فلماذا هي نفسا لاتكووون قاطفة وتتحرك لمن تريد وتحب بدلا من الجلوس على بترينات العرض في انتظار ان يختاروها 000؟

فكم من فتاة تنتظر ان ياتيها فارس احلامها0000؟

وكم من فتاه تبدا في تعداد محاسن خطيبها او زوجها بعد وقوع الفاس على الراس000؟


اولك التحية000
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
raadia
Admin
avatar

عدد الرسائل : 26
نقاط : 10
تاريخ التسجيل : 23/12/2008

مُساهمةموضوع: رد: قصتي التي لم تبدأ بعد   الجمعة ديسمبر 26, 2008 3:34 pm

Arbab كتب:
الأخت الفاضلة راضية .. تحية من الله مباركة طيبة تحمل فى طياتها قول .. السلام عليكم ورحمة الله وبركاتة
قرأت تلك السطور وتوقفت عندها مرات عده .. تارة أتوقف عن القراءة برهة من الزمن وتارة أخرى أتوقف وكأن التوقف كان دهر أو أكثر .. وسوف أقوم بأعلان أسباب التوقف لكى لاحقا ولكن فى الوقت الرااهن أسمحى لى التعليق بالقول أن أختيارك للفظ وللكلمة وللمعنى أكثر من رائع .. وبأنك هزمتى الحروف والكلمات .. وحتى لا أزيد لأنى أعلم أنه مهما سطرتا لكى لا يكفى التعبير حتى لو قولتا المزيد ... ولى المزيد من التعليق سوف أسرده لكى فيما بعد ,, ويبقى للحديث بقية مدام فى العمر بقية .. فى أمان الله
أرباب

الاخ الكريم ارباب تسلم علي المشاركه وعلي التعليق حول السرد انا في انتظار اعلان اسباب التوقف ..سلمت يا عزيزي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
raadia
Admin
avatar

عدد الرسائل : 26
نقاط : 10
تاريخ التسجيل : 23/12/2008

مُساهمةموضوع: رد: قصتي التي لم تبدأ بعد   الجمعة ديسمبر 26, 2008 3:37 pm

alzafer كتب:
بسم الله الرحمن الرحيم
ما عارف ابداء من وين واقول شنو بس والله يا ريم قرائة قصتكي اكثر من مرة لاني كنت اعرف ان هنالك بعض الاشياء وبعض المعاني المبهما والمخفية والبعيدة لن ادركها من اول وهلا بس حسب فهمي وتحليلي
فهمتا انو انتي عيشة في وحدة عجيبة وانا عارف حلل واحد لي مشكلتك دي لازم تعيشي قصة حب حت ولو كنتي عارفة النهاية امكن تلقي اجوبة لكثير من الاسئلة البتدور في راسك بس علي العموم كنت بقرا في السطور سطر سطر وبفكر شنو البخليك تفكري كدا
................ .
بس الوحدا يا بنت

ياهلا بالظافر ...ليست الوحده يا عزيزي وانما هذا الكم الهائل من التجارب الفاشله الحولي الذي مضي بي لاكتب موضوعي وبخصوص دخولي في علاقه حتي وان كنت اعرف نهايتها فدا مبدأ ارفضه تماما يعني حكون ساي بس زدته الطينه بله وزدتا عدد التعيسات نفر....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
raadia
Admin
avatar

عدد الرسائل : 26
نقاط : 10
تاريخ التسجيل : 23/12/2008

مُساهمةموضوع: رد: قصتي التي لم تبدأ بعد   الجمعة ديسمبر 26, 2008 3:45 pm

AROON_UP كتب:
السلام علييكم جميعا00000000

كلام واضح مافيه شك00وظنووون وشكووك اوضح في نفس الكاتبة رغم اختلافي في معااااك في كثير من النقاط ولكن000

واعتقادي الشخصي(والكاتبة ليست مقصوده بهذا الراي شخصيا)00طالما ان الفتاه بتنظر لنفسها وكانها ورده تنتظر قاطفها ستظل هذه الهواجس تراود الكثيرات

فلماذا هي نفسا لاتكووون قاطفة وتتحرك لمن تريد وتحب بدلا من الجلوس على بترينات العرض في انتظار ان يختاروها 000؟

فكم من فتاة تنتظر ان ياتيها فارس احلامها0000؟

وكم من فتاه تبدا في تعداد محاسن خطيبها او زوجها بعد وقوع الفاس على الراس000؟


اولك التحية000
مرحب صديقي ارون...الفتاه الان يا عزيزي لاتنتظر فتاه الاحلام والحصان الابيض ولكتها تبحث كما الرجل لعلها تجد من يتوافق معها وفي رحله التفتيش هذه تكون المفاجأت المزهله واولها انه كل الرجال ميه ميه مافيهم اي اخطاء تصور ّ!! ههههههه يعني الكل يظهر بمحاسن ويخفي سيئات الكل لطيف الكل شهم الكل متدين تختار منو وتخلي منو ياربي....ودا طبعا كلام بيتخت تحت بند الزيف الاجتماعي المالي الدنيا الايام دي
لكن اسي انا بتكلم عن اسباب الزواج..هل فعلا اسباب الزواج بتكون من اسباب فشل او سعادة العلاقه زي ماوضحتا قبيل الهروب من وافع الاسره...الهروب من علاقه حب فاشله...الزواج فقط لاكتساب لقب مدام...ديل كلهم بيأدو فعلا لنتيجه فشل!! بجيكم تاني ناطه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
seetoo
king


عدد الرسائل : 45
نقاط : 10
تاريخ التسجيل : 24/12/2008

مُساهمةموضوع: رد: قصتي التي لم تبدأ بعد   السبت ديسمبر 27, 2008 12:35 pm

راضيه حسيتك بتتكلمى بلسانى مع اختلاف انى لقيت الحب بس خااااايفه .يبقى العيب فينا مادايما نظلمون . وسبب المشاكل بين كل اثنين ماعدم حب بس عدم ثقه لانو من خبرتى مامهم الحب المهمه الثقه .
مادايرين مشاكل بثق فيهو ويارب تكون في مكانا
تحياتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
raadia
Admin
avatar

عدد الرسائل : 26
نقاط : 10
تاريخ التسجيل : 23/12/2008

مُساهمةموضوع: رد: قصتي التي لم تبدأ بعد   السبت ديسمبر 27, 2008 8:30 pm

seetoo كتب:
راضيه حسيتك بتتكلمى بلسانى مع اختلاف انى لقيت الحب بس خااااايفه .يبقى العيب فينا مادايما نظلمون . وسبب المشاكل بين كل اثنين ماعدم حب بس عدم ثقه لانو من خبرتى مامهم الحب المهمه الثقه .
مادايرين مشاكل بثق فيهو ويارب تكون في مكانا
تحياتى

فهم الزواج وفهم ما نريده منه مدخل أساسي للسعادة فيه.. شخصيا أرى أنني أتزوج لأبرر وجودي مع حبيبي وقتما أشاء وكيفما أشاء.. ومن ثم أنطلق لتدعيم علاقتي به منتجين للصبيان والبنات.. ومن ثم نتشارك في جعل المستقبل أفضل لمنتجات حبنا.. ولا أتزوج فقط لأن الناس تتزوج،، ولا أتزوج فقط لأنجب.. ولا أتزوج لأستقر (فالاستقرار ليس هاجسا عندي كما الزواج).. لا يشكل الزواج هاجسا عندي فعندما يحين وقته سيكون فحينها يقدر الله ما يشاء.. لا أتزوج لأعيش حياة تقليدية تشابه حياة غيري وإلا لما كانت حياتي التي تخصني.. والتي وهبنا إياها العلي القدير..

ههههه عارفه يا ستو واحده صاحبتي شبهت الزواج بالحمام بالماء البارد فى الشتاء كلما اجبرت نفسك على الدخول تحت الدش مبكراً تعودت على الماء البارد بسرعة و انهيت حمامك و مارست بقية حياتك ... ادخلى تحت الدش سريع و ما تضيعى الوقت
!!!!!![/
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصتي التي لم تبدأ بعد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
abde3 :: منتدا الطلبات والمشاكل-
انتقل الى: