raadia Admin
عدد الرسائل : 26 نقاط : 10 تاريخ التسجيل : 23/12/2008
| موضوع: بعدين معاك الخميس ديسمبر 25, 2008 9:16 pm | |
| و بعدين معاك ... لى الليله اصلك ما ارتويت
ما غرّقك موج الهوى فتّر مجاديفك رسيت
وانا ظنى انك من زمان من بدرى اظنك اكتفيت ..
يا قلبى انت تكون نسيت؟؟
كم مرة اضناك الفراق عديت نجيماتو وبكيت
ولاقيتو فى عز المنام بى شوقو عز الليل صحيت
قبّلتو نفحات الصباح عانقتو بى تحنان وريد
وغناك نغمات انشراح ضماك على الوجدان شديد
معقوله انت تكون نسيت
واله الرحيل خلاك رهيف بالوحدة والشوق غلّبك
كل نجمة انت تشوفا طيف يشجيك غناها ويطربك
مع انو باهِت و نور ضعيف يشغل مرائيك يجذبك ...
معقوله انت تكون نسيت
لحظة فتق بوحا الرؤى انشكا الحان فى العصب
سرت ارتعاشة فى المكان القمره ضوها انحجب
كتبتك عيونا فى الزمان ابلغ عبارات فى الأدب
مارقاها وجِلة وفى كسوف كلمة بريدك وليك بحب
معقولة انت تكون نسيت
انا ما نسيتا لسه فاكر وليها متزكّر تمام
تومة الروح والخواطر رافله فى جواى دوام
باشة ضحّاكة وتغنى ومرة تدينى السلام
ما حصل طافت مشاعرى نسمة من رهج الغمام . ايوا فاكر وليها متزكّر تمام | |
|